Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Milio Rodríguez Cueto gana'l Premiu María Josefa Canellada de lliteratura infantil y xuvenil

Votos

(Total de votos recibidos 230)

(Puntuación 3,02)

Milio Rodriguez Cueto
L'autor xixonés premiáu por Carne de melandru

Milio Rodríguez Cueto (Xixón, 1962) ganó'l Premiu de lliteratura infantil y xuvenil n'asturiano María Josefa Canellada, que concede la Conseyería d'Educación, Cultura y Deporte del Principáu.

El xuráu presidiólu la direutora xeneral de Política Lingüística, Ana María Fueyo, na Casa de Cultura de Santolaya de Cabranes. Completaben el xuráu l'alcalde de Cabranes, Alejandro Vega, los escritores Severino Antuña, Mariluz Pontón y Alonso Zamora Canellada, fíu de l'autora que-y da nome al galardón.

Al premiu, dotáu con 4.000 euros, optaben en total seis trabayos. Ente les obres presentaes, el xuráu decidió por unanimidá concede-y el premiu a Carne de melandru, "una novela de gran profundidá narrativa y bien resuelta, que recupera la memoria histórica d'una manera adecuada a la edá a la que va dirixida y abre caminos nuevos na lliteratura xuvenil n'asturiano". El testu presentóse col alcuñu "Stephan Dedalus".

Milio Rodriguez, novelista, ensayista y poeta, tanto n'asturiano como en castellano, llicenciáu en Literatura Hispánica pola Universidá d'Uviéu, tien ganao otros premios: Fuertes Acevedo de ensayu en 1992 y 1999, Edebé de Literatura Juvenil en 1999, Xuan María Acebal de poesía nel añu 2000 y el Premiu Asturianu de la Crítica en 2005. N'actualidá ye profesor de lliteratura nel IES nu 1 de Xixón

Llibros de Milio Rodríguez Cueto disponibles na Rede Municipal de Biblioteques de Xixón

Ensayu y artículos

  • Diálogu de la llingua o Los gochos llinguateros (1990)
  • Manual de llingua asturiana (1994)
  • El ciegu la esquina (1998)
  • El velatoriu de Blancañeve (2000)
  • Les razones del calamar (2000)
  • L'últimu volador (2004)

Narrativa

  • Románticu (1992)
  • Aventures (1997)
  • Laura contra el tiempo (1997)
  • Mimí al volante (2000)
  • La piedra de la culebra (2004)
  • Véndese pisu (2006)
  • El final de la Historia (2010)

Poesía

  • Flores de cementerio (2000)

Traducciones

  • La isla'l tesoru / R.L. Stevenson (1989)
  • Siete australianinos / Ethel Turner (1989)
  • La pantasma de Canterville; El crime de Lord Arthur Savile /Oscar Wilde (1990)
  • El rei Ricardo'l terceru / William Shakespeare (1994)
  • La filosofía nel salonín / Sade (1995)
  • Bola d'untu y otros cuentos / Guy de Maupassant (1995)
  • El castiellu la Rentona / Maria Edgeworth (1996)
  • Rikki-tikki-tavi / Rudyard Kipling (1998)
  • Lais de la vieya Bretaña / María de Francia (1998)
  • La serenina y otros cuentos / Hans Christian Andersen (1998)
  • La llienda de la vallina pigarciosa / Washington Irving (1998)