Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La 34ª Selmana de les Lletres Asturianes dedícase a Nené Losada

Votos

(Total de votos recibidos 214)

(Puntuación 3,00)

Nene Losada
Del 29 d'abril al 8 de mayu van cellebrase distintes actividaes, ente elles el Día del Llibru n'asturianu, el vienres 3 de mayu

La popular poeta valdesana Nené Losada Rico (LL.uarca, 1921-2009) va ser la protagonista de la 34ª Selmana de Les Lletres Asturianes.

Programa de la 34ª Selmana de les Lletres Asturianes

Obituario de Javier Cuartas sobre Nené Losada (El País, 14-4-2009)


N'homenaxe a Nené Losada apurrimos equí una amusa de la so obra poética.

De Cantares Valdesanos

Medréi ya fíxeme moza

en el pueblu de Sanfliz
ya agora, desde Lluarca,
en recuerdu falo así.

Los páxaros na perar
acabanon conas peras,
nu alcontréi más que cazuetos
cuandu quixe recoyelas.

You nun séi por quéi Xuanón
vei tantas veces al horriu,
si yá nun guardo allí'l vinu
nin tansiquiera'l mendongu.

Porque-y escondí'l tabacuLuarca 1915
enfocicóuse Xuacón
ya enfocicáu inda sigue
debaixo del cabanón.

Del picu de la figar
caeu'l fíu de Xuaca,
ya tovo suerte, que'l nenu
sólo rompéu una pata.

Nas tornabodas del pueblu
yara you'l que más beillaba,
cuandu la mía nun pude
porque nun tenía gana.

Quixe facer, ya nun fixe
lo que facer debería,
agora yá taba feito
si lo fixera aquel día

El pollín de la vecina
ta ganando la cebada,
nun ya extraño que la gane
si lo mesmo fai l'ama.

Sabes que fai muitu tiempu
que naide morre en tou casa.
Siéntolo, que nu veloriu
ya donde miyor se pasa.

Yara nuesu'l pitu roxu
que comienon en ca'l cura,
foi un vienres de Cuaresma
pero allí tenían bula.

El perru de ca Manulo
pasa los días lladrando
lo que nun séi ya a quién lladra
si a los gatos o al melandru.

Porque tien dineiru abondu
ya van a nombralu alcalde,
ta faciendo una panera
con más pegollos que naide.

A manu pesca las truitas
Pin, el fíu de Macariu,
ya después vei a vendéilas
al cura ya al boticariu.

Xunto al llar, enun charolu,
siéntase'l pobre Marcelu,
mientras tanto nel escanu
fanlo la muyer ya'l nenu.

Debaixu la sou ventana
puxenon un gran carbayu,
quién foi sabrase a la nueite,
cuandu lu vean gabialu.

Por nu aguantar el sermón
que taba dando aquel flaire
gipióu de la ilesia Antón
sin que lu viéramos naide.

Pa xugar a balincase
truxo una cuerda Pepón
ya colgóula d'una viga
debaixu del cabanón.

Rindes abondu esfoyando
más valía nun rindieras,
que rabucas las panoyas
ya nu hai por ónde coyelas.

Las cereizas tán maduras,
páñame unas mandiladas
ya ten cuidáu nun caete
que podes estrapayalas.